Höfundur

Víðir Smári Petersen

Víðir Smári Petersen lauk meistaragráðu í lögum frá Háskóla Íslands 2011 og LL.M. gráðu frá lagadeild Harvard háskóla 2015. Víðir er einn af eigendum LEX lögmannsstofu og öðlaðist réttindi til málflutnings fyrir Hæstarétti árið 2017. Hann hefur sinnt kennslu við lagadeild Háskóla Íslands frá árinu 2011 og var ráðinn aðjúnkt við deildina árið 2017. Á árunum 2015-2016 starfaði Víðir sem aðstoðarmaður dómara við Hæstarétt Íslands.

Bækur höfundar

Eignaréttur I

14.900 kr.

Eignaréttur I, er hið fyrsta í fyrirhugaðri þriggja binda ritröð höfunda um íslenskan eignarétt. Þetta fyrsta bindi tekur til umfjöllunar reglur sem eru sameiginlegar flestum eignarréttindum og varða grundvallarþætti í íslenskri eignarréttarskipan. Í ritinu er fjallað um ýmsar raunhæfar réttarreglur sem oft reynir á fyrir dómstólum, eins og til dæmis andlag eignarréttar, eignaraðild, eignarform, forkaupsrétt og önnur óbein eignarréttindi, réttarreglur um sérstaka sameign, stofnunarhætti eignarréttinda og nábýlisrétt.
Höfundar eru Þorgeir Örlygsson, Karl Axelsson og Víðir Smári Petersen
📄Efnisyfirlit (pdf)